Experimentos coa materia

Fixemos moitísimos experimentos con distintos materiais e coas forzas. Estes son algúns:

 O aire pesa?

O aire ocupa un espazo?

Mauro fixo un experimento que nos amosa que o aire pesa e que ocupa un espazo.

Déixovos unha imaxes e tentade responder como conseguiu responder á pregunta con ese experimento.

Xogos no patio

 Empezamos o curso con tanto medo!

Fomos saíndo adiante con distancia. Ao primeiro parecía que non iamos poder xogar a nada sen distancia. E xogamos moito con xogos vellos e xogos novos, como o de calicatúa ou este de "contorsionismo" Aí queda iso!!! Seguimos adiante e pasámolo moi ben.

Vermes de seda

 Como medraron!!!

Agora xa están na súa fase de crisálide envoltos en fío de seda amarela, tan bonitiños ...e pronto se convertirán en bolboretas!!!

                        

Deuses gregos

 Rematamos a Historia da Idade Antiga coñecendo, como curiosidade, esas pequenas historias dos deuses gregos. Ben bonitas que quedaron!

Animais imaxinarios

 Voando coa imaxinación non hai lindes para soñar e soñamos os animais que nos queremos, combinamos, formas cores, liñas, qubros e deixamos que sexan ben estraños ou ben lonxanos ... Todo está permitido. Estas son algunhas das creacións.

O libro Viaxeiro

 O Libro Viaxeiro deste ano tan peculiar xa está en marcha. Os cursos de 4º prepararon sendos decálogos; 4ºA sobre o coidado da Terra (do planeta) e 4ºB sobre o coidado da terra (a nosa horta ecolóxica).

Camino a la Escuela

 Dentro do traballo que estamos a realizar de forma permanente no eido da Educación en Valores o pasado venres proxectamos a película "Camino a la escuela" proposta polo SPAD (Servizo de Prevención de Drogodependencias) de Vilagarcía de Arousa. O certo é que as catro historias que se relatan nos deixaron a todos ben impresionados e deron para fondas reflexións. Moito temos que aprender.

Paula Carballeira visita o colexio

 O pasado martes, 25 de maio, Paula Carballeira estivo no colexio e deixounos marabillados con tres preciosas historias traídas de moi lonxe. Así o víchedes vós.

Como medraron!!

 As sementes xa xerminaron e temos plantiñas ben xeitosas para transplantar; agora queda ver como seguen a medrar na horta!

Tamén medraron moito os vermes da seda; claro que comen moito moito; unha chea de follas de moreira cada mañá. Agora xa están empezando a crear a súa crisálida e ... a esperar. Que emoción!!

Feliz Día das Letras Galegas 2.021

 Estreamos a nosa horta ecolóxica co nome dunha galega, editora, poeta, mestra e ecoloxista que nos ensina que dos erros aprendemos e que sempre temos que manter esa ansia de preguntar, axudar (Que necesitas?) e SEGUIR INVESTIGANDO,  seguir aprendendo, seguir mellorando.

Os mozos e mozas da asociación Down Pontevedra, Xuntos, póñelle voz, imaxe e vida ás palabras de Xela Arias. Compartimos o seu vo facer: 

Na horta ... por fin!!!

 Hoxe, por fin, despois de tanto tempo de espera, puidemos estar na horta e empezamos a plantación das primeiras flores, aromáticas e verduras. Preparamos a terra, abonamos, plantamos e ... non regamos, que nun tris empezaba a chover. Quedaron ben bonitas as plantiñas. Agora toca, esperar a que medren e velas ben bonitas!